Молитвы Иоанну Богослову

К святому Иоанну обращаются с молитвами за помощью в самых разных делах, но чаще всего по вопросам, касающимся семейного благополучия. Просят:

— о взаимной любви,
— о семейном счастье и благополучии,
— о сохранении семьи в трудное время,
— о защите от порчи и всякого зла,
— о помощи в учебе,
— об исцелении от болезней (например, от немоты),
— об исполнении желаний.

Молитва первая

О великий апостоле, евангелисте громогласный, Богослове изящнейший, тайновидче неизреченных откровений, девственниче и возлюбленный наперсниче Христов Иоанне!

Приими нас, грешных, под твое сильное заступление прибегающих.

Испроси у Всещедраго Человеколюбца Христа Бога нашего, Иже пред очесы твоими Кровь Свою за ны, непотребныя рабы Своя, излиял есть, да не помянет беззаконий наших, но да помилует нас и сотворит с нами по милости Своей:

да дарует нам здравие душевное и телесное, всякое благоденствие и изобилие, наставляя нас обращати оная во славу Его, Творца, Спасителя и Бога нашего,

по кончине же временныя жизни нашея от немилосердных истязателей на воздушных мытарствах да избавит нас, и тако да достигнем, тобою водимии и покрываемии, Горняго онаго Иерусалима,

Егоже славу ты во откровении зрел еси, ныне же нескончаемыя радости наслаждаешися.

О великий Иоанне!

Сохрани вся грады и страны христианския, храм сей, служащих и молящихся в нем, от глада, губительства, труса и потопа, огня и меча, нашествия иноплеменных и междоусобныя брани;

избави нас от всякия беды и напасти и молитвами твоими отврати от нас праведный гнев Божий, и Его милосердие нам испроси, да вкупе с тобою сподобимся прославляти в невечернем дни Пресвятое имя Отца и Сына и Святаго Духа во веки веков.

Аминь.

Молитва вторая

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче!

Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы;

во исходе же душ наших помози нам, грешным (имена), избавитися от воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков.

Аминь.

Молитва третья

О великий и непостижимый Боже!

Се на умоление Тебе предлагаем святого Иоанна, егоже Ты сподобил еси неизреченных откровений, приими о нас ходатайство, даруй нам исполнение прошений наших во славу Твою,

паче же соверши нас духовным совершенством к наслаждению, жизни нескончаемыя в Небесных Твоих обителях!

О Небесный Отче, создавый вся Владыко, Всесильный Царю!

Коснися благодатию сердец наших, да, растаявше, яко воск, пролиются пред Тобою и бренная тварь духовна сотворится в честь и славу Твою, и Сына Твоего, и Святаго Духа.

Аминь.