Видевшее обильную реку чудес и исцелений, от тебе истекающую Божиею благодатию:
хромым хождение, расслабленным и на одре лежавшим исцеление, бесноватым от духов злобы освобождение, устремишася к тебе, мати, яко к источнику чудес неисчерпаемому, страждещии и болящии и напоишася обильно;
утешении же и исцелении, умиленным сердцем возопиша тебе:
Радуйся, праведнице, от Бога нам низпосланная;
Радуйся, целительнице, вся недеги наша исцеляющая.
Радуйся, душеполезными советы нам помогающая;
Радуйся, вся наша сомнения и недоумения скоро разрешающая.
Радуйся, бесов от человек страждущих изгоняющая;
Радуйся, на путь правый, к Богу ведущий, наставляющая.
Радуйся, блаженная старице Матроно, предивная чудотворице.
